Мамадышның узәк мәйданында чираттагы авыл хуҗалыгы ярминкәсе узды

15 февраля 2021 г., понедельник

Узган шимбә Мамадыш районының Мәдәният йорты каршындагы мәйданда авыл хуҗалыгы ярминкәсе узды. Халыкка авыл хуҗалыгы продукциясен районның агропредприятиеләре, район кулланучылар оешмасы, крестьян-фермерлык хуҗалыклары, шәхси эшмәкәрләре тәкъдим итте.

Ярминкәдә агрофирмалар ашлык, ит-бал белән сату иттеләр. Крестьян – фермер хуҗалыклары сатып алучыларга терлек һәм кош ите, балык, төрле сөт ризыклары, катырылган җиләк-җимеш һәм яшелчә тәкъдим итте. Кул эшләренең дә нинди генә төре юк иде сату киштәләрендә.