Республикада 2016 елгы шикәр чөгендере уңышыннан 172,5 мең тонна шикәр җитештерелгән

Татарстанда шикәр чөгендерен эшкәртү дәвам итә. Сезон башланганнан бирле республиканың шикәр заводларына 1526,1 мең тонна татлы тамыр китерелгән, шул исәптән «Зәй шикәре» ААҖенә – 854,1 мең тонна, «Буа шикәре» ҖЧҖенә – 457,9 мең тонна, «Нурлат шикәре» ЯАҖенә – 214,2 мең тонна. Предприятиеләрдә тәүлеккә уртача 9,6 мең тонна шикәр чөгендере эшкәртүгә әзерләнә.

Шикәр заводларында барысы 1177,5 мең тонна чөгендер эшкәртелгән, 172,5 мең тонна шикәр әзерләнгән, шикәр чыгышы – 14,4 %.

«Зәй шикәре» ААҖендә 99,6 мең тонна шикәр әзерләнгән, «Буа шикәре» ҖЧҖендә – 50,9 мең тонна, «Нурлат шикәре» ЯАҖендә – 21,9 мең тонна.