Татарстан Республикасы Авыл хуҗалыгы һәм азык-төлек министрлыгы башлыгы Марат Әхмәтов: 2016 елның 10 аенда Татарстанның авыл хуҗалыгы берләшмәләре һәм крестьян-фермер хуҗалыклары тарафыннан 308,9 мең тонна терлек һәм кош ите җитештерелгән
Татарстан Республикасы Хөкүмәте Йортында шимбә көнне узган республика киңәшмәсендә Татарстанда 2016 елның 10 аенда терлекчелек тармагының төп күрсәткечләре турында Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов сөйләде.
Барлык муниципаль районнар белән видеоконференцэлемтә режимында узган киңәшмәне Татарстан Республикасы Президенты Рөстәм Миңнеханов уздырды.
Киңәшмәдә Татарстан Республикасы Премьер-министры Илдар Халиков катнашты.
2016 елда республикада авыл хуҗалыгы берләшмәләре һәм крестьян-фермер хуҗалыклары тарафыннан(халыкны исәпкә алмыйча) 308,9 мең тонна терлек һәм кош ите җитештерелгән (2015 елга карата – 104%).Шуннан эре мөгезле терлек ите – 78,4 мең тонна (102%), дуңгыз ите – 69,6 мең тонна (101%), кош ите – 158,8 мең тонна (107%).
Шул ук вакыт эчендә сөт 1020 мең тонна җитештерелгән (үсеш - 103%).
Марат Әхмәтов әйтүенчә, терлекләрнең баш санын узган елгы дәрәҗәдә саклап кала алганнар.
2016 елның 10 аенда акчалата табыш 50,1 млрд. сум (узган елга карата 105%) тәшкил итә, шул исәптән сөт сатудан – 18,2 млрд. сум (112%).
Марат Әхмәтов республика хуҗалыкларында сөт җитештерүнең торышын анализлады, булган проблемаларны һәм үсеш нокталарын әйтеп узды. Соңгы елларда республиканың авыл хуҗалыгы берләшмәләрендә сөт җитештерү күләме тотрыклы рәвештә арта. Тулаем 3 ел эчендә сөт күләме 138 мең тоннага, ягъни 13%ка арткан. Шул чор эчендә иң югары үсешкә ирешкән районнар: Кукмара, Мамадыш,Әтнә районнары – үсеш - 146%, 1,5 мәртәбә диярлек арткан.
Көчлеләр рәтендә шулай ук - Алькеевск, Балтач, Саба һәм Биектау муниципаль районнары. Татарстан Республикасы Авыл хуҗалыгы һәм азык-төлек министрлыгы башлыгы Актаныш, Азнакай, Чүпрәле һәм Аксубай муниципаль районнарын да уңай яктан билгеләп үтте, алардагы үсеш – 10%тан 20%ка кадәр.
«Узган атнадагы видеоконференциядә мин Чүпрәле муниципаль районының “Чынлы” ҖЧҖендә шикәр чөгендере сатудан акчалата кергән табыш турында сөйләгән идем. Шул ук хуҗалык 750 сыердан һәркөнне тагын 19 тонна сөт сава», – диде Марат Әхмәтов.
Ул муниципаль районнар башлыкларына, авыл хуҗалыгы формированиеләре җитәкчеләренә сөт терлекчелеге мәсьәләләренә, сөт җитештерүгә бик җитди карарга кушты. «Бүген сөт базарындагывәзгыять җитди үзгәрештә, – диде Марат Әхмәтов. – Товар җитештерүчеләрнең дә, югары дәрәҗәне саклап кала алган тармакларның да керемнәре яхшы».