Татар казанында ниләр бар?

8 февраля 2022 г., вторник

Кабак белән алма бәлеше (Пирог с тыквой и яблоками).

Камыр өчен кирәк булачак:

• 100 г атланмай;
• 50 г шикәр комы;
• 1 йомырка сарысы;
• 1,5 стакан он;
• 0,5 балкашык ванильле шикәр комы;
• 1 кап камыр йомшарткыч;
• 3 аш кашыгы сохари оны.

Эчлек өчен:

• 400 г кабак;
• 2 шт. алма;
• 100 г атланмай;
• 75 г шикәр комы;
• 1 балкашык төелгән дарчин;
• 0,5әр балкашык төелгән имбир, мөшкәт чикләвеге.

Майлау өчен:

• 1 йомырка агы;
• 1 аш кашыгы шикәр комы.

 Әзерләү:

1. Атланмай белән онны кушып уарга.
2. Йомырка сарысы, каймак, ванильле шикәр комы, камыр йомшарткыч кушып, камыр басарга, суыткычка 30 минутка куярга.
3. Эчлек әзерләргә. Кабакны һәм алманы ваклап турарга.
4. Табага атланмай һәм шикәр комын салып, 5 минут болгата-болгата җылытырга. Башта кабакны 15 минут, аннары алмаларны өстәп, 5 минут пешерергә, тәмләткечләр өстәргә.
5. Табаны майлап, сохари валчыклары сибәргә. Камырны берсен зуррак итеп ике өлешкә булергә. Зуррак өлешен юка җәем итеп җәяргә һәм таба читенә чыгып торырлык итеп урнаштырырга. Эчлекне тигезләп салырга.
6. Калган камырны җәеп, тасма рәвешендә кисәргә. Һәр буйны спираль итеп бөтәрләп, эчлек өстенә ятьмә сыман итеп тезәргә. Бәлешне йомырка агы белән майларга һәм 200 градуслы пичтә 45 минут пешерергә. Өстәлгә чыгарыр алдыннан шикәр оны сибәргә.