“Апас” якташлар җәмгыяте 30 еллыгын билгеләп үтте

30 октября 2023 г., понедельник

“Апас” якташлар җәмгыяте оешуга 30 ел тулу уңаеннан, башкалабыз Казанда Ленин исемендәге мәдәният сараенда “Бер күрешү – үзе бер гомер” кичәсе узды.

Зал тутырып күргәзмәләр урын алды. Һәр почмактан җыр-моң агылды, шат авазлар яңгырап торды. Әлеге залда кунакчыл, гади, шул ук вакытта эшкә батыр, сүзгә тапкыр якташлар күреште, рәхәтләнеп сөйләште, җыр-биюләр тыңлады, тәбрикләүләр кабул итте.

Күргәзмәдә Апас районы кулланучылар җәмгыяте үзләре җитештергән продукция белән кунакларны каршы алдылар.