Рамазан аенда игелекле эшләр
Рамазан – ризыкның кадерен, мескен-ятимнәрнең хәлен, вафатларның кадерен белә торган ай. Сабыр итә торган, игелекләр эшли торган ай.
Рамазан фазыйләтенә багышланган бер хәдистә риваять ителә: “Өммәтем гади айда кылган бер яхшы гамәл өчен бер савап ала, әмма Рамазанда исә Аллаһ бер яхшы гамәл өчен җиде йөзгә хәтле һәм аннан да күбрәк әҗер бирә”.
Рамазан – юмартлык ае. Кеше берьюлы берничә дистә яки йөзләгән кешегә авыз ачтыра ала икән, шул кадәр савап та языла.
Изге Рамазан аенда ифтар ашлары уздырыла. Бу - бик күркәм һәм саваплы гамәл. Ифтар ашау гына түгел, ул – аралашу, бер-береңнең хәлен белү, вәгазьләнү дә.
Кулланучылар җәмгыятьләре арасында да ифтар ашлары уздырган оешмалар күп. Аларның берсе - Әлки районы туклану җәмгыяте. Алар, мул табын әзерләп, ураза тотучыларны һәм авылның өлкән яшьтәге ялгыз кешеләрен җыеп, бик матур мәҗлес оештырдылар.
Укыган намазлар кабул булсын, барыбызга да хәерлесен насыйп ит!