Рашат Шаймарданов эш сәфәре кысаларында Актаныш, Лениногорск һәм Аксубай районында булды
Татарстан Республикасы кулланучылар оешмасы берлеге идарәсе җитәкчесе Рашат Шаймарданов 2021-2025 елларга кулланучылар җәмгыяте алдында куелган максат-бурычларны билгеләү максатыннан Актаныш, Лениногорск һәм Аксубай районында булды. Җыелышта район башлыгы, район башкарма комитеты һәм контроль-хисап палатасының җаваплы хезмәткәрләре дә катнашты.
Рашат Шаймарданов үз чыгышында иң беренче чиратта Татарстан Президенты Рөстәм Миңнехановның республика буенча кулланучылар җәмгыятьләрендә барлык тармакларны тергезү бурычы куюын ассызыклады һәм 2021-2025 елларга аны үстерү концепциясен гамәлгә ашыру чараларын билгеләде. Җәмгыятьнең яңалыклар белән баетылуын, яңа технологияләр кертүнең әһәмиятенә басым ясады. Рашат Шаймарданов әйтеп узган тәкъдимнәр район җитәкчелеге тарафыннан да яклау тапты.
